Gaeilge Durlas: Faisnéis faoin Leabharlann

An mbíonn sé deacair ort teacht ar na hacmhainní atá uait?

Féach ar na naisc seo thíos!

Is féidir Páipéir Scrúdaithe a fháil ar an LAN. Cliceáil ar an nasc seo: https://lan.mic.ul.ie/ExamPapersThurles/

Ní gá duit a bheith ar an gcampas chun rochtain a fháil ar an LAN ach beidh ort d'ainm úsáideora agus do phasfhocal a úsáid chun logáil isteach.

Téigh chuig do chuntas leabharlainne chun na leabhair atá faighte ar iasacht agat a sheiceáil, chun athnuachan iasachta a dhéanamh agus chun leabhair a chur in áirithe. Cliceáil anseo chun faisnéis a fháil faoin mbealach isteach chuig do chunas leabharlainne. Is féidir leat d’eochairfhocal leabharlainne a fháil ó bhaill foirne na leabharlainne. Beidh d’eochairfhocal agus d’uimhir mhic léinn riachtanach chun rochtain a fháil ar do chuntas leabharlainne.

Tá cead ag fochéimí 10 leabhar a fháil ar iasacht ar feadh coicíse 

Is féidir le mic léinn ar Champas Phádraig, Durlas, leabhair a fháil ar iasacht ó Champais eile Choláiste Mhuire gan Smál. Ní mór do mhic léinn dul go dtí an Leabharlann i Luimneach chun é sin a dhéanamh, ámh.

Is féidir an dá sheomra bheaga (218 agus 221) a chur in áirithe má tá tú i mbun tionscadail ghrúpa le do chomhscoláirí nó chun do scileanna múinteoireachta a chleachtadh. Is féidir le gach duine sa choláiste na seomraí a úsáid, ach má tá tionscadal ar leith á dhéanamh agat nó má theastaíonn uait cur i láthair a chleachtadh, is féidir ceann amháin de na seomraí sin a chur in áirithe roimh ré. Tá scáileáin ar fáil i gcomhair físghabhála – is féidir teacht ar na crua-earraí ag an deasc agus cuirfear marcóirí ar fáil don chlár bán, má tá siad uait:

NB:

• Ní mór an seomra a chur in áirithe dhá uair roimh ré ar a laghad
• Tá teorainn dhá uair a’ chloig leis na háirithintí sin
• NÁ SCRÍOBH d’ainm ar chomharthaí an dorais. Le bheith cothrom, déantar maoirseacht ar áirithintí ag an deasc

Chun seomra a chur in áirithe, cuir ríomhphost chuig thurleslibrary@mic.ul.ie nó cuir ceist ar fhoireann na leabharlainne.